Dev Team-ի (այն մասնագիտացած է Apple-ի ծրագրերը կոտրելով) ծրագրավորողները, հայտնել են այն մասին, որ  iPhone 4S-ի եւ  iPad 2-ի համակարգեր ներթափանցելու ծրագիրն արդեն գրեթե պատրաստ է:

Մինչեւ վերջերս ընկերության սարքերը անձեռնմխելի էին, քանի որ ստեղծված էին A5 միկրոպրոցեսորների հիման վրա:  Նման պրոցեսորներ  են տեղադրված Apple-ի թողարկած  վերջին 2 ` iPhone 4S եւ iPad 2 մոդելներում: Դրանց պատճառով օգտագործողները չէին կարողանում իրենց  ապրանքների վրա անօրինական ծրագրեր տեղադրել:

Ջեյլբրեյքը սեփականատերերին է առաջարկում Apple-ի համակարգ լիովին մուտք գործելու տարբերակ:   Այն թույլ է տալիս ընդլայնել սարքի հնարավորությունները: Գոյություն ունի ջեյլբրեյքի 2 տարբերակ, որը կախյալ է,  աշխատում է միայն սարքի միանալուց հետո, եւ մյուսը լիակատար, որը կաշխատի որոնումը թարմացնելուց կամ վերականգնելուց առաջ:

Ըստ Dev Team-ի ծրագրավորողների` «նոր A5 Corona ջեյլբրեյքի բոլոր տեխնիկական արգելքները հաղթահարված են, մնում է միայն նվազեցնել սխալների թիվը»:

Ծրագիրը հասանելի կլինի մի քանի տարբերակներով: Այն կաշխատի Mac եւ PC սարքերի վրա, գրում է «gazeta.ru»-ն: